Polisiya ti University of Hawaii Para iti Di-panangidumduma

Polisiya ti unibersidad a mangipaay iti patas nga oportunidad iti nangatngato nga edukasion, agpada iti edukasional a mision ken kas employer. Ti unibersidad ket naikumit nga agtungpal iti amin a Naestaduan ken Pederal a bilin, paglintegan, ken pagannurotan a manglapped iti panangidumduma. Ti unibersidad ket naikumit iti polisiya iti di-panangidumduma maibatay iti puli, sekso, panangbigbig iti kinaania ti bagi ken ekspresion, edad, relihion, kolor, nagtaudan a pagilian, kapuonan, kinaumili, disabilidad, impormasion ti gene, naestaduan, panagpasuso, panangsuporta iti ubing, rekord ti pannakaaresto wenno korte (malaksid no maipalubos iti sidong ti linteg), seksual a panangmatmat, saan a pannakiraman kas nasional a guardia, wenno estado kas masakupan a beterano. Daytoy a polisiya masakupanna ti pannakaadmitir ken akses ken partisipasion, panagpaagas, ken trabaho iti programa ken aktibidad ti unibersidad. Pannaka-harass maigapu iti panangidumduma, agraman ti sexual harassment, ket maiparit iti daytoy a polisiya. Suportaran ti unibersidad ti naan-anay a pannakaipatungpal ti patas nga oportunidad babaen ti positibo, ken agtultuloy a programa ti di-panangidumduma ken natibker a tignay (41 CFR Kapitulo 60) iti kada campus.

Ti University of Hawaii Community Colleges (UHCC) ket mangipapaay iti nagduduma a Career and Technical Education (CTE) a programa ti panagadal nga agturong iti Associate of Science (AS) ken Associate of Applied Science (AAS) a degree, ken dagiti postsecondary a sertipikasion. Nupay amin a UHCC a campus ket mabalin nga agaplay para iti akses iti polisiya, ti pannakaadmitir iti programa ket mabalin a maibatay iti panangkompleto iti agaplikar a kurso/eksamenasion a maikalikagum ken addaan ti sumagmamano a UHCC a programa iti kanayonan a criteria para iti pannakaadmitir. Dagiti campus ti UHCC ket agaramid kadagiti addang tapno masigurado a ti kinaawan iti abilidad iti Ingles ket saan a lapped iti pannakaadmitir wenno partisipasion kadagiti CTE a programa.

Tapno matulongan iti lengguahe, kontakem ti opisina ti panangadmitir iti campus. Dagiti saludsod maipapan iti daytoy a polisiya, agraman ti Section 504 ken Title IX, ket rumbeng a maiturong kadagiti naautorisaran iti campus wenno iti koordineytor ti UHCC System:

Direktor (UHCC System Section 504 ken Title IX Coordinator) Office of Compliance, EEO/AA, ken Title IX 2327 Dole Street, Room 1 Honolulu, HI 96822 Telepono: (808) 956-4564 Fax: (808) 956-2503 Email: eeocc@hawaii.edu