Pahayag sa Dili Pagpamihig — Bisaya
Pahayag sa Dili Pagpamihig sa Mga Kolehiyo sa Komunidad sa Unibersidad sa Hawaiʻi
Kini mao ang patakaran sa unibersidad nga maghatag ug patas nga oportunidad sa mas taas nga edukasyon, sa misyon sa edukasyon ug isip usa ka amo. Ang unibersidad adunay pasalig sa pagsunod sa tanang mga balaod sa Estado ug Pederal, mga lagda, ug mga regulasyon nga nagdili sa pagpamihig. Ang unibersidad adunay pasalig sa usa ka polisiya sa dili pagpamihig base sa kaliwat, kinatawhan, pagkatawo ug pagpahayag sa gender, edad, relihiyon, kolor, nasodnong kagikan, kaliwatan, pagkalungsoranon, kakulian sa panglawas, impormasyon sa henetika, kahimtang sa kaminyoon, pagpasuso, pagpugong sa bahin sa kita alang sa suporta sa bata, rekord sa pag-aresto ug sa korte (gawas kung gitugotan sa balaod sa estado), sekswal nga oryentasyon, pagkawala tungod sa serbisyo sa national guard, o kahimtang isip sakop nga beterano.
Kini nga polisiya naglangkob sa pagdawat ug pag-access ug pag-apil, pagtrato, ug pagpanarbaho sa mga programa ug kalihokan sa unibersidad. Ang pagpangdaogdaog tungod sa diskriminasyon, apil ang sekswal nga pagpangdaogdaog, ginadili ubos niini nga polisiya. Ang Unibersidad magpalambo sa hingpit nga pagkatuman sa patas nga oportunidad pinaagi sa usa ka positibo ug padayon nga programa sa dili pagpamihig (41 CFR Chapter 60) sa matag kampus.
Ang Ma Kolehiyo sa Komunidad sa Unibersidad sa Hawaiʻi o University of Hawaiʻi Community Colleges (UHCC) nagtanyag ug lain-laing mga programa sa Edukasyon sa Karera ug Teknikal nga Kahanas o Career and Technical Education (CTE) nga naghatag og pagtuon nga modala ngadto sa Asosado sa Siyensiya o Associate of Science (AS) ug Asosado sa Gipadapat nga Siyensiya o Associate of Applied Science (AAS) nga mga degree, ingon man usab sa mga sertipiko human sa sekondarya. Bisan pa man nga ang tanang kampus sa UHCC nagpatuman sa usa ka polisiya sa bukas nga pag-access, ang pagdawat sa mga programa mahimong ibase sa pagkakompleto sa angay nga mga kurso o mga kinahanglanon sa pagsusi, ug adunay pipila ka mga programa sa UHCC nga nagpatuman pa og dugang nga mga pamatasan sa pagdawat. Ang kakulang sa kahanas sa English dili mahimong babag sa pagdawat o sa pag-apil sa mga programa sa CTE.
Alang sa tabang sa pinulongan, kontaka ang opisina sa pagdawat sa kampus. Alang sa mga pangutana mahitungod sa Polisiya sa Dili Pagpamihig sa UHCC, kontaka ang tigdumala sa 504 sa inyong kampus, tigdumala sa Title IX, o ang tigdumala sa sistema sa UHCC:
Direktor (Tigdumala sa Seksyon 504 ug Title IX sa Sistema sa UHCC)
Opisina sa Pagsunod, EEO, ug Title IX
2327 Dole Street, Room 1
Email: eeocc@hawaii.edu
Telepono: (808) 965-4564
Fax: (808) 956-2503