Policy eo an University eo an Hawaii ikijjeen Jab Kalijekļọk

Policy eo in an university eo im ej ñan kõpelļọk iien eṃṃan ñan bõk jeļãļọkjeṇ ilo jikuuļ ko ļọk ilõñ ilo jejjet im jimwe, ilo mission eo ikijjeen jeļãļọkjeṇ im kab ãinwõt juon jikin jerbal jimor. University eo ej ṃool im tiljek ñan an ļoor im kajejjet aolep kakien ko an State im Federal, ruul ko, im regulation ko me rej kamo kalijekļọk. University eo ej ṃool im tiljek ñan policy eo an kõn ejjeļọk kalijekļọk pedped ioon armej in ia, kõrã ke eṃṃaan, eṃṃaan ke ak kõrã ekkar ñan lomnak an armej ak manit ak ekkar ñan pãotokim ak mantim, dettam, kabuñ, kõlar, aelõñ eo kwõj itok jãne, rũtto ro aṃ, citizen in ia, ewõr am utaṃwe ak ṃõjno in ãnbwin ak kõļmãnļọkjeṇ, meļeļe ko jãn gene ko aṃ me renaaj kwaļọk kõn ro ilo baaṃle eo im nañinmej ak utaṃwe ko aer (genetic information), rimare ke ejjab rimare, kanninnin niñniñ, rej omom jãn kõļļã ko aṃ ñan child support, kalbuuj im meļeļe ko kake kwe ilo court (ijellọkũn ñe ejjab kõmãlimi ekkar ñan kakien ko an State), eñjake eo ak pepe eo aṃ kõn ta kwe eṃṃaan ke ak kõrã, jako jãn national guard, ak juon kar ritarinae eo me kar kamõje jãn an ritarinae. Policy in ekitbuuj deloñ im jikuuļ im pãd im bõk kuṇaaṃ ie, taktõ, im jerbal ilo bũrookraaṃ ko im activity ko an university eo. Ekkar ñan policy in emo kalijekļọk ilo naan, kiltõn, ak kõṃṃan ko renana ñan kabṇõṇõ, kakitõtõ ak kaamijak juon armej ekoba kwaļọk naan, kiltõn ak kõṃṃan ko renana ak retoon ñan booje in babu ippãn ak kõṃṃan manit ettoon. University eo enaaj kowõnṃaanļọk im jerbale bwe en jokkun wõt juon an peļļọk iien ko reṃṃan ikijjeen juon bũrookraaṃ eṃṃan me ejjap kalijekļọk ak ej wõnṃaanļọk im kõṃṃan aolep iien im ej eṃṃakũt ñan joļọk aolep kalijekļọk (41 CFR Chapter 60) ilo kajojo campus.

Community College ko an University eo an Hawaii (UHCC) rej leļọk elõñ kain bũrookraaṃ in jikuuļ in katak kilen Jerbal ak Katak ko jet ilo Jikuuļ (Career im Technical Education) (CTE) ñan juon degree in Associate Science (AS) im Associate in Applied Science (AAS) degree, im kab bar postsecondary certificate ko. Meñe aolep campus ko an UHCC rej jerbale policy eo ñan kõpelļọk jerbal ko an ñan armej, bũrookraaṃ in admission ak deloñe jikuuļ eo emaroñ pedped ioon kadedeļọk jet course ko rekkar/bõk jet teej ko mokta im jet bũrookraaṃ an UHCC rej kõṃṃane bar jet wãween ko ñan an juon aikuj kõtõpraki mokta jãn aer maroñ deloñ im jikuul. Campus ko an UHCC renaaj bõk buñten ne ko ñan lale bwe jabwe jela Kajin Pãlle en jab juon kein bõbrae an juon maroñ deloñ in jikuuļ ak bõk kuṇaan ilo bũrookraaṃ ko an CTE.

Ñan jipañ ikijjeen kajin eo am, kũrļọk ak kepaak opiij in admission eo an campus eo. Kajjitõk ko ikijjeen policy in, ekoba Section 504 im Title IX, rej aikuj etal ñan ro jitõñ er ilo campus eo ak UHCC System coordinator eo:

Director (UHCC System Section 504 and Title IX Coordinator)
Office of Compliance, EEO/AA, and Title IX
2327 Dole Street, Room 1
Phone: (808) 965-4564
Fax: (808) 956-2503
Email: eeocc@hawaii.edu